محققین نے حال ہی میں دعویٰ کیا ہے کہ انہیں ایسے شواہد ملے ہیں کہ 3.47 ارب سال پہلے ایک سیارچہ زمین سے ٹکرایا تھا۔
آسٹریلیا میں سائنس دانوں نے دنیا کا قدیم ترین سیارچہ ٹکرانے کا گڑھا دریافت کیا ہے۔
جریدے نیچر کمیونیکیشنز میں شائع ہونے والی ایک تحقیق کے مطابق یہ گڑھا ملک کے کنارے پر چھپا ہوا تھا جو 3.47 ارب سال پرانا ہے۔
آسٹریلیا کی کرٹن یونیورسٹی کے پروفیسر ٹم جانسن نے کہا کہ اس دریافت سے پہلے سب سے پرانا سیارچہ ٹکرانے کا گڑھا 2.2 ارب سال پرانا تھا اس لیے یہ اب تک زمین پر پایا جانے والا سب سے پرانا گڑھا ہے۔