کھجانے کا عمل انتہائی پرسکون معلوم ہوتا ہے کیونکہ یہ اطمینان بخش اور اچھا لگتا ہے لیکن اس کے منفی نتائج ہو سکتے ہیں۔
جِلد سے متعلق طبی حالات جیسے dermatitis میں جس میں خارش ایک عام علامت ہے، کھجانا بیماری کو بڑھا سکتا ہے۔
زیادہ کھُجانا نقصان دہ بھی ہے اور ’مزےدار‘ بھی جس سے آخر یہ سوال پیدا ہوتا ہے: ہم کیوں کھُجاتے ہیں؟
ہارورڈ میڈیکل اسکول کے ایک امیونولوجسٹ، آئزک چیو نے کہا کہ اس ارتقائی محفوظ رویے کا ایک ممکنہ مقصد جلد کی سطح سے پیراسائٹس، کھال پر موجود مخصوص کیڑوں یا دیگر خارش پیدا کرنے والے مواد کو دور کرنا ہے۔
سائنس میں شائع ہونے والی ایک تحقیق میں، یونیورسٹی آف پٹسبرگ کے محققین نے بتایا کہ کھُجلی جِلد کی سوزش کو رفع کرنے کیلئے مدافعتی نظام کو متحرک کرتی ہے اور بیکٹیریل انفیکشن کے خلاف دفاع کو بڑھاتی ہے۔
محققین نے کہا کہ یہ تحقیقی نتائج ایکزیما جیسے جِلد سے منسلک طبی حالات کے لیے بہتر علاج کی راہ ہموار کر سکتے ہیں یا تو نتیجے میں ہونے والی سوزش کو کم کر کے یا کھُجانے کی ضرورت کو روک کر۔