ایران اور لبنان میں صیہونی حملوں کے بعد خطے میں بڑھتی کشیدگی پر امریکا نے جنگی بحری بیڑہ روزویلٹ خلیج فارس میں پہنچا دیا۔
امریکی اخبار کے مطابق بحری بیڑے کے ساتھ 6 میزائل بردار جہاز بھی موجود ہیں، مشرقی بحیرہ روم میں 5 امریکی جنگی بحری جہاز پہلے سے ہی تعینات ہیں۔
غیر ملکی میڈیا کے مطابق امریکی جاسوس طیاروں کی بھی شام، لبنان اور صیہونی حکومت کی ساحلی پٹیوں پر پرواز کا سلسلہ جاری ہے۔
عرب میڈیا کے مطابق امریکی بحریہ کے جاسوس طیاروں نے شام، لبنان اور صیہونی حکومت کی ساحلی پٹی پر 4 گھنٹے تک پرواز کی اور انٹیلی جنس ڈیٹا جمع کیا۔