الجزیرہ ٹی وی کی جانب سے غزہ میں صیہونی حملے میں شہید ہونے والے اپنے عربی صحافیوں کو خراج تحسین پیش کیا گیا۔
اسٹوڈیو اور فیلڈ میں موجود ساتھیوں نے صحافی اسماعیل الغول اور کیمرہ مین رامی الریفی کی تصاویر اٹھارکھی تھیں۔
الجزیرہ نیٹ ورک نے اسماعیل الغول اور رامی الریفی پر حملہ الجزیرہ کے صحافیوں اور ان کے خاندانوں کے خلاف صیہونی مہم کا حصہ قرار دیا ہے۔
خیال رہے کہ صحافی اسماعیل الغول اور کیمرہ مین رامی الریفی کو گزشتہ روز غزہ کے پناہ گزین کیمپ میں نشانہ بنایاگیا تھا۔
غزہ میں 7 اکتوبر 2023 سے جاری صیہونی جارحیت میں اب تک 160 سے زائد صحافی اپنی فرض کی ادائیگی کے دوران شہید ہوچکے ہیں۔