صیہونی حکومت کے رفح میں آپریشن کیخلاف جنوبی افریقا نے عالمی عدالت انصاف میں ہنگامی درخواست دیدی

0 95

رفح میں زمینی آپریشن کے صیہونی منصوبے کے خلاف جنوبی افریقا نے عالمی عدالت انصاف میں ہنگامی درخواست دے دی۔

غیر ملکی میڈیا رپورٹس کے مطابق جنوبی افریقا نے استدعا کی ہے کہ عالمی عدالت رفح آپریشن رُکوانے کے لیے اپنے اختیارات استعمال کرے۔

جنوبی افریقا کے صدارتی دفتر سے جاری بیان میں کہا گیا ہے کہ رفح میں صیہونی فوجی آپریشن سے مزید ہلاکتیں، نقصان اور تباہی ہوگی۔

بیان میں کہا گیا ہے کہ رفح میں صیہونی آپریشن نسل کشی کنونشن اور عالمی عدالت کے 26 جنوری کے فیصلے کی سنگین خلاف ورزی ہوگی۔

جنوبی افریقا نے استدعا کی ہے کہ عالمی عدالت صیہونی حکومت کے رفح میں فوجی آپریشن کے فیصلے پر اپنے اختیارات کےدائرکار کاجائزہ لے اور غزہ میں فلسطینیوں کے حقوق کی مزید خلاف ورزیوں کو روکنے کے لیے اپنے اختیارات استعمال کرے۔

واضح رہے کہ جنوبی افریقا نے اس سے قبل غزہ میں فلسطینیوں کی نسل کشی پر صیہونی حکومت کے خلاف عالمی عدالت انصاف (آئی سی جے) سے رجوع کیا تھا۔

 

جواب چھوڑیں

آپ کا ای میل ایڈریس شائع نہیں کیا جائے گا.