رپورٹ کے مطابق بھارت نے اپنا جاسوسی نیٹ ورک مغربی ممالک میں وسیع پیمانے پر پھیلا رکھا ہے اور مقامی ایجنٹس کی تعداد میں بھی اضافہ کردیا ہے۔
مودی حکومت کی جانب سے بھارتی خفیہ ایجنسی ’را‘ کو کسی بھی ملک میں قتل جیسی کارروائیاں تک سرانجام دینے کی مکمل اجازت دے دی گئی ہے۔
مودی سرکار کے اقتدار میں آتے ہی بھارت کی دفاعی پالیسی نے پر تشدد رنگ اختیار کرلیا تھا، 2014 میں بھارتی نیشنل سکیورٹی ایڈوائزر نے دوسرے ممالک کو کھلم کھلا دھمکی دیتے ہوئے کہا تھا کہ اب ہم وہاں وار کریں گے جہاں سے جرم سرزد ہو رہے ہیں۔
رپورٹ میں کہا گیاکہ کینیڈین وزیراعظم کے انکشافات کے بعد بھارت کی جارحانہ دفاعی پالیسی کھل کر دنیا کے سامنے آگئی ہے، ماضی میں بھی بھارت دوسرے ممالک میں مداخلت کرتا رہا ہے جن میں پاکستان کے خلاف گوریلا فورس کو تیار کرنا بھی شامل ہے۔