سعودی شہزادہ ولید بن طلال بن عبدالعزیز آل سعود کی والدہ انتقال کرگئیں۔
سعودی پریس ایجنسی کے مطابق ایوان شاہی کی جانب سے جاری بیان میں بتایا گیا کہ شہزادہ ولید بن طلال بن عبدالعزیز آل سعود کی والدہ کا انتقال ہفتےکو قضائے الٰہی سے ہوا۔
عرب میڈیا کے مطابق مرحومہ کی نماز جنازہ اتوار 5 جنوری 2025 کو ریاض کی جامع مسجد الامام ترکی بن عبداللہ میں عصر کی نماز کے بعد ادا کی گئی۔
سعودی شہزادہ ولید بن طلال نے بھی اپنے ایکس اکاؤنٹ پر اپنی اور والدہ کی تصویر پوسٹ کی اور لکھا کہ خدا میری والدہ شہزادی مونا ریاض الصلح پر رحم کرے۔
عرب میڈیا کے مطابق شہزادی مونا ریاض الصلح سابق لبنانی وزیراعظم ریاض الصلح کی صاحبزادی تھیں۔