فتنہ الخوارج کی افغان طالبان کی چیک پوسٹوں کا استعمال کرکے پاکستان میں دراندازی کی کوشش سکیورٹی فورسز نے ناکام بنا دی۔
سکیورٹی ذرائع کے مطابق فتنہ الخوارج کے دہشتگردوں نے افغان طالبان کی چیک پوسٹوں کا استعمال کر کے دراندازی کی کوشش کی، 20 سے 25 خوارجیوں نے کرم، شمالی وزیرستان سے دراندازی کی کوشش کی۔
ذرائع کے مطابق سکیورٹی فورسز نے بروقت کارروائی کرتے ہوئے فتنہ الخوارج کی دراندازی کی کوشش ناکام بنادی۔
ذرائع کا بتانا ہے کہ آج صبح خوارجیوں نے پاکستان میں در اندازی کی کوشش کی، خوارج، افغان طالبان نے مل کر پاکستانی چوکیوں پر بھاری ہتھیاروں سے بِلااشتعال فائرنگ کی۔
ذرائع کا کہنا ہے کہ سکیورٹی فورسز نے اس بلااشتعال فائرنگ کا منہ توڑ جواب دیا، افغانستان سائیڈ پر بھاری نقصانات کی مصدقہ ابتدائی اطلاعات ہیں۔
سکیورٹی ذرائع کے مطابق مؤثرجوابی کارروائی اورگولاباری سے افغان طالبان 6 چوکیاں چھوڑکربھاگ گئے، افغان سائیڈ پر نقصانات مزید بڑھنے کی بھی اطلاعات ہیں، پاکستان سکیورٹی فورسزکاکوئی جانی نقصان نہیں ہوا، صرف 3 افراد کے زخمی ہونےکی اطلاع ہے۔
ذرائع کا کہنا ہے کہ پاکستان نے افغان عبوری حکومت سے فتنہ الخوارج کو اپنی سرزمین نہ استعمال کرنےکا بارہاکہا ہے لیکن اس کے باوجود فتنہ الخوارج کے دہشتگرد افغان سرزمین سے پاکستان میں دہشتگرد کارروائیاں کر رہے ہیں۔