ایران کے اعلیٰ سفارت کار نے کہا ہے کہ شام کے مستقبل کا فیصلہ کرنا جلد بازی ہو گا۔
ایرانی وزیر خارجہ عباس عراقچی نے بدھ کے روز اپنے ٹیلی گرام چینل پر جاری کیے گئے ایک انٹرویو میں مسکراتے ہوئے کہا کہ میرے خیال میں فی الحال فیصلہ کرنا بہت جلد ہے، ہمارے اور ان دوسرے لوگوں کے لیے جو سمجھتے ہیں کہ شام میں فتح حاصل ہوئی ہے۔
یہ تبصرے شام کے نئے وزیر خارجہ اسد حسن الشیبانی کی جانب سے ایران سے متعلق بیان کے بعد سامنے آئے ہیں کہ جس میں کہا گیا تھا کہ شامی عوام کی مرضی اور ملک کی خودمختاری اور سلامتی کا احترام کرنا چاہیے۔
عراقچی نے تہران کے دیرینہ حلیف بشار الاسد کے زوال کے بعد ایران کے سفارتی ردعمل کی قیادت کی ہے، جس میں دو طرفہ تعلقات کو برقرار رکھنے کے لیے آمادگی کا اظہار کیا گیا ہے اور یہ خبردار کیا گیا ہے کہ یہ اسرائیل کے بارے میں ملک کے موقف پر بہت زیادہ انحصار کرے گا۔