یمن سے تل ابیب پر ہائپر سانک میزائل حملہ، 16 صیہونی زخمی،فضائی دفاعی نظام میزائل کو روکنے میں ناکام رہا

یمن سے حوثی باغیوں نے اسرائیل کے دارالحکومت تل ابیب پر میزائل حملہ کیا ہے، جس کے نتیجے میں سولہ افراد زخمی ہوگئے۔ میزائل تل ابیب کے ایک پارک میں گرا۔

حوثی فورسز کے مطابق جافا کے مقام پر اسرائیلی فوجی تنصیبات کو کامیابی سے نشانہ بنایا گیا۔ حملے میں اسرائیل کا کروڑوں ڈالر کا فضائی دفاعی نظام ناکام ہوگیا۔

حوثی ترجمان نے کہا کہ اس نے فوجی ہدف کو نشانہ بنانے کے لیے ہائپر سونک بیلسٹک میزائل استعمال کیا۔

اسرائیلی فوج نے حملے کی تصدیق کرتے ہوئے کہا کہ فضائی دفاعی نظام میزائل کو روکنے میں ناکام رہا۔

خیال رہے کہ حوثیوں نے غزہ جنگ کے خاتمے تک حملے جاری رکھنے کا وعدہ کیا ہے۔

جبکہ امریکا کا کہنا ہے کہ اس فضائی کارروائی کے ذریعے یہ خود کو اور اپنے اتحادیوں کا دفاع کر رہا ہے۔