بھارت کےپانی چھوڑنے پر دریائے ستلج میں سیلاب کا خدشہ

لاہور (شوریٰ نیوز) بھارت کےپانی چھوڑنے پر دریائے ستلج میں سیلاب کا خدشہ،قصور، ساہیوال، اوکاڑہ،پاکپتن، وہاڑی، بہاولپوراوربہاولنگر متاثر ہو سکتے ہیں،بھارت کی جانب سے 95 ہزار کیوسک سے زائد پانی چھوڑے جانے کے بعد دریائے ستلج میں نچلےدرجےکے سیلاب کا خطرہ ہے۔ گنڈا سنگھ والا میں سیلاب سے سینکڑوں ایکڑ کھڑی فصلیں برباد ہوگئیں جب کہ بستیاں پانی میں گِھر گئیں۔بھارت نے دریائے ستلج میں پانی چھوڑ دیا، پی ڈی ایم اے نے ہائی الرٹ جاری کردیا،پی ڈی ایم اے کے مطابق دریائے ستلج میں گنڈا سنگھ والاکے مقام پر نچلے درجے کا سیلاب ہے جہاں پانی کی آمد اور اخراج 57 ہزار 380کیوسک ہے جب کہ راوی اور چناب سمیت دیگر دریاؤں میں پانی کا بہاؤ معمول کے مطابق ہے۔ڈی جی پی ڈی ایم اے عمران قریشی کا کہنا ہےکہ تمام صورتحال کی کڑی نگرانی کی جارہی ہے اور ہنگامی صورتحال سے نمٹنے کے لیے تمام وسائل بروئے کار لائے جارہے ہیںنگران وزیراعلیٰ پنجاب نے تلوارپوسٹ کےفلڈریلیف کیمپ اور گنڈا سنگھ والا بارڈر کا دورہ کیا، انہوں نے دریائے ستلج کے قریب میں موجود آبادیوں کے فوری انخلا کا حکم دیا ہے۔اس کے علاوہ لوگوں کے ساتھ مویشیوں کو بھی محفوظ مقامات پر منتقل کرنے کی ہدایت جاری کی گئی ہے۔