اسلام آباد(شوریٰ نیوز) سپریم کورٹ کی دوسری خاتون جج جسٹس مسرت ہلالی نے حلف اٹھالیا،سپریم کورٹ کے ججز کی تعداد 16 ہوگئی ، جسٹس عائشہ ملک پہلی خاتون جج ہیں۔چیف جسٹس پاکستان عمر عطا بندیال نے جسٹس مسرت ہلالی سے حلف لیا، تقریب حلف برداری میں سپریم کورٹ کے ججز، اٹارنی جنرل اور وکلا نے شرکت کی۔جسٹس مسرت ہلالی کے حلف اٹھانے کے بعد سپریم کورٹ کے ججز کی تعداد 16 ہوگئی ہے جب کہ وہ سپریم کورٹ میں ذمہ داریاں نبھانے والی دوسری خاتون جج ہوں گی، ان سے قبل جسٹس عائشہ ملک نے 24 جنوری 2022 کو سپریم کورٹ میں پہلی خاتون جج کی حیثیت سے حلف اٹھایا تھا۔