پاکستان مسلم لیگ (ن) کے صدر محمد نواز شریف سے بیلا روس کے صدر الیگزینڈر لوکا شنکو کی ملاقات ہوئی جہاں نواز شریف سے پرتپاک معانقہ ہوا۔
نوازشریف کو دیکھتے ہی بیلا روس کے صدر نے بانہیں کھول کر گلے لگایا۔ سابق وزیراعظم محمد نواز شریف نے وزیراعظم محمد شہباز شریف کے ہمراہ انتہائی گرم جوشی سے بیلا روس کے صدر کا استقبال کیا۔
بیلا روس کے صدر نے گفتگو میں کہا کہ طویل عرصے بعد اپنے محترم بھائی سے ملاقات پر بے حد خوش ہوں۔نائب وزیراعظم اسحاق ڈار اور وزیر اعلیٰ پنجاب مریم نواز شریف بھی بیلا روس کے صدر کا استقبال کرنے والوں میں شامل تھیں۔
بیلا روس کے صدر پاکستان مسلم لیگ (ن) کے صدر کی طرف سے اپنے اعزاز میں ظہرانہ میں شرکت کے لیے مری پہنچے ہیں۔