وائٹیلٹی بلاسٹ ٹی 20ٹورنامنٹ، کوارٹر فائنل 6 جولائی کو ہو گا

لندن (شوریٰ نیوز) انگلینڈ اینڈ ویلز کرکٹ بورڈ کے زیر اہتمام وائٹیلٹی بلاسٹ ٹی 20ٹورنامنٹ، کوارٹر فائنل 6 جولائی کو ہو گا
سمر ،نوٹنگھم ،واروکشائر،ایسیکس،لنکا،سرے،ہیمپشائر،ورسیسٹرکی ٹیمز ٹاپ ایٹ رائونڈ کیلئے کوالیفائی ،ٹورنامنٹ اپنے اختتامی مراحل کی طرف گامزن ہے۔ٹی ٹونٹی ٹورنامنٹ میں 6 جولائی کو ایک کوارٹر فائنل میچ کھیلا جائے گا جس میں واروکشائراور ایسیکس کی ٹیمیں ایجبسٹن ،برمنگھم کے مقام پر نبرد آزما ہوں گی ۔واروکشائر کی ٹیم کو مایہ ناز برطانوی آل رائونڈر معین علی لیڈ کر رہے ہیں جبکہ ایسیکس کی قیادت سیمون ہارمر کر رہے ہیں۔ٹورنامنٹ کے بقیہ تین کوارٹر فائنل 7 جولائی کو کھیلے جائیں گےجس کے مطابق ایونٹ کا دوسرا کوارٹر فائنل میچ سمر سیٹ اور نوٹنگھم شائر کی ٹیموں کے درمیان ٹائونٹن ، تیسرا کوارٹر فائنل میچ لنکا شائر اور سرے کے درمیان مانچسٹر جبکہ چوتھا اور آخری کوارٹر فائنل میچ ہیمپشائر اور ورسیسٹر شائر کی ٹیموں کے درمیان سائوتھمپٹن میں کھیلا جائے گا۔ہیمپشائر ہاکس کی ٹیم ایونٹ میں اپنے اعزاز کے دفاع کے لئے مزید تین فتوحات کی ضرورت ہے۔ ایونٹ کا کوارٹر فائنل مرحلہ6 جولائی سے شروع ہوگا جبکہ دونوں سیمی فائنلز اور فائنل میچ 15 جولائی کو برمنگھم میں کھیلے جائیں گے۔ واضح رہے کہ لیسسٹر شائر فوکسز اب تک تین مرتبہ وائٹیلٹی بلاسٹ کا ٹائٹل اپنے نام کر چکی ہے۔