امریکا میں پاکستانی نژاد طالبعلم نے صدارتی ایجوکیشن ایوارڈ جیت لیا

کوئٹہ(شوریٰ نیوز)امریکا میں پاکستانی نژاد طالبعلم نے صدارتی ایجوکیشن ایوارڈ جیت لیا،شاہ زین آفریدی کو ایجوکیشن ایوارڈ 2023 شاندار تعلیمی کیرئیر کے اعتراف میں نوازا گیا تفصیلات کے مطابق امریکا میں کوئٹہ سے تعلق رکھنے والے پاکستانی نژاد طالب علم شاہ زین آفریدی نے صدارتی ایجوکیشن ایوارڈ جیت لیا۔کوئٹہ سے تعلق رکھنے والے پاکستانی نژاد امریکی طالب علم شاہ زین آفریدی کو یو ایس پریزیڈنٹ ایجوکیشن ایوارڈ 2023 شاندار تعلیمی کیرئیر کے اعتراف میں نوازا گیا۔شاہ زین آفریدی نے نیو جرسی کے فلپ جی وروم اسکول میں گریڈ 8 تک اپنی پہلی پوزیشن برقرار رکھی۔شاہ زین آفریدی کو شاندار تعلیمی کیرئیر پر ہائی ٹیک اسکول نیوجرسی میں اسکالرشپ کی بنیاد پر داخلہ بھی مل گیا ہے جہاں وہ بغیر کوئی فیس ادا کیے اپنا شاندار تعلیمی سفر جاری رکھیں گے۔شاہ زین کا تعلق کوئٹہ کی ایک آفریدی فیملی سے ہے اور انہوں نے اپنی شاندار کامیابی کا کریڈٹ والدہ کو دیا ہے۔ شاہ زین آفریدی کا کہناتھا کہ تعلیم کے میدان میں کامیابی والدہ کی رہنمائی اور سخت محنت کی وجہ سے حاصل کی۔اس سے قبل ان کی بڑی بہن عیشل کو بھی شاندار تعلیمی کیرئیر پر امریکی صدارتی ایجوکیشن ایوارڈ سے نوازا جاچکاہے۔