بھارت میں نسلی امتیاز نے بھارتی صدر کو بھی نہ بخشا

نئی دہلی(شوریٰ نیوز)بھارت میں ذات پات کے نظام نے بھارتی صدر کو بھی نہ بخشا،بھارتی خاتون صدر دروپدی مرمو کا تعلق قبائلی ادیواسی ذات سے ہے لیکن بھارتی صدر کو اپنی نچلی ذات کی وجہ سے مندروں میں نسلی امتیاز کا مسلسل سامنا ہے،بھارتی میڈیا رپورٹ کے مطابق گزشتہ دنوں مندر جانے پر بھارتی صدر کو مورتیوں کے قریب جانے سے روک دیا گیا،بھارتی صدر ملک کے دارالحکومت نئی دلی میں مندر کا دورہ کر رہی تھیں،مذکورہ مندر میں صرف برہمن ذات کے ہندوؤں کو مورتیوں کے قریب جانے کی اجازت ہے،صدر کے ساتھ ملک کے دارالحکومت میں امتیازی سلوک بھارت کی ہندوتوا سوچ عیاں کر رہا ہے،بی جے پی نے ادیواسی خاتون کو صدر تو تعینات کر دیا لیکن متعصب سوچ پھر بھی غالب رہی،انہی وجوہات کی بنا پر دنیا بھارت میں مذہبی آزادی اور نسلی امیاز پر شدید تنقید کر رہی ہے۔