دیوالیہ سری لنکا کو نقد رقم کا بحران،اسٹاک مارکیٹ کی بندش

کولمبو (شوریٰ نیوز)دیوالیہ ہونیوالے سری لنکا کو نقد رقم کا بحران،اسٹاک مارکیٹ کی بندش ،اندرونی قرضوں کی ری اسٹرکچرنگ کے حوالے سے اہم فیصلے متوقع،پاکستان سری لنکا سے بدتر ہو چکا،سری لنکن حکام کا کہناہے ڈومیسٹک قرضوں کی ری اسٹرکچرنگ کےدوران فنانشل مارکیٹس جمعرات سے 5 روز کیلئے بند رہیں گی۔سری لنکا کے مرکزی بینک کے گورنر نندالال ویراسنگھے کا کہناہے پارلیمنٹ میں قرضوں کی ری اسٹرکچرنگ پر بات ہو رہی ہو تو فنانشل مارکیٹ کا کھلا رہنا غیر صحت بخش ہوگا، سری لنکن حکومت 51 ارب ڈالر سے زائد ڈومیسٹک قرضوں کی ری اسٹرکچرچنگ کر رہی ہے۔ایک پارلیمانی اہلکار نے کہا کہ قانون سازوں کی منگل کو ملاقات متوقع ہے تاکہ اس ہفتے کے آخر میں مقننہ کے خصوصی اجلاس کے انعقاد پر تبادلہ خیال کیا جا سکے تاکہ قرض کی تنظیم نو کے منصوبوں کی منظوری دی جا سکے۔سری لنکا تاریخ میں پہلی بار دیوالیہ،مرکزی بینک کے گورنر نندالال ویراسنگھے نے کہا کہ جمعرات اور پیر اور ہفتے کے آخر میں موجودہ مذہبی تعطیلات کے علاوہ جمعہ کو چھٹی ہوگی۔ جب پارلیمنٹ میں قرضوں کی تنظیم نو پر بات ہو رہی ہو تو مالیاتی بازاروں کا کھلا رہنا غیر صحت بخش ہوگا، جب حساس قرضوں کی تنظیم نو پر بات کی جائے تو بازاروں کو کام نہیں کرنا چاہیے۔ ہمیں امید ہے کہ ان پانچ دنوں میں تنظیم نو کا عمل مکمل ہو جائے گا۔ عام افراد کے ذخائر متاثر نہیں ہوں گے لیکن حکومت کا منصوبہ تجارتی بینکوں اور پنشن فنڈز میں رکھے گئے ٹریژری بلوں اور بانڈز کی تنظیم نو کرنا ہے۔پاکستان اور سری لنکا میں مماثلت، سری لنکن حکومت اب بھی بیرونی قرضوں کی تنظیم نو کیلئے اپنے غیر ملکی قرض دہندگان کے ساتھ بات چیت کر رہی ہے جو چار سالہ 2.9 ارب ڈالر کے آئی ایم ایف ریسکیو پیکج کو جاری رکھنے کی ایک اہم شرط ہے۔