دشمن چاہتا تھابھائی کے ہاتھوں بھائی کا خون بہے، روسی صدر

ماسکو(شوریٰ نیوز) روسی صدرنے کہا کہ دشمن چاہتا تھابھائی کے ہاتھوں بھائی کا خون بہے، پیوٹن کا خانہ جنگی سے اجتناب برتنے پر ویگنر گروپ سے اظہار تشکر، دشمن چاہتا تھابھائی کے ہاتھوں بھائی کا خون بہے، روس کوبلآخر شکست ہو اور دشمن چاہتا تھا روسی معاشرہ تقسیم ہوجائے ،روسی صدر ولادیمیر پیوٹن نے خانہ جنگی سے اجتناب برتنے پر نجی ملیشیا ویگنر گروپ سے اظہار تشکر کیا ہے۔قوم سے خطاب میں روسی صدر ولادیمیرپیوٹن نے کہا کہ دشمن چاہتا تھا کہ بھائی کے ہاتھوں بھائی کا خون بہے، یوکرین اوراس کے مغربی سرپرست چاہتے تھےکہ روس کو بالآخر شکست ہو اور دشمن چاہتا تھا کہ روسی معاشرہ تقسیم ہوجائے اور خانہ جنگی ہوجائے۔ ویگنر اہلکار وزارت دفاع یا کسی اور ادارے میں شامل ہوجائیں ورنہ ملازمت چھوڑ دیں، جو ویگنر اہلکار بیلا روس جانا چاہتا ہے، جاسکتا ہے۔ ویگنر گروپ کے زیادہ تر کمانڈر اور فائٹرز روسی محب وطن ہیں، ویگنر گروپ نے میدان جنگ میں جرات دکھائی، ڈونباس کو آزاد کرایا۔ ویگنرکو اندھیرے میں رکھ کر بھائیوں کے خلاف استعمال کرنے کی کوشش کی گئی۔ شروع ہی میں براہ راست احکامات دے دیئے تھے کہ خونریزی سے اجتناب برتا جائے، غلطی کرنے والوں کو سمجھنے میں وقت لگا کہ معاشرے نے انہیں مسترد کردیا، خانہ جنگی سے اجتناب برتنے پر نجی ملیشیا ویگنر گروپ سےاظہار تشکر کرتے ہیں۔