بھارت،گائے کا گوشت لے جانے کے الزام پر مسلمان جاں بحق

ممبئی (شوریٰ نیوز)بھارت،گائے کا گوشت لے جانے کے الزام پر مسلمان جاں بحق،دوسرا نوجوان شدید زخمی ،پولیس نے تشدد اور قتل میں ملوث کسی شخص کو گرفتار نہیں کیا،بھارت میں ہندوانتہا پسندوں نے گائے کے تحفظ کے نام پر ایک اور مسلمان نوجوان کی جان لے لی۔ 2 مسلمان نوجوان اپنی گاڑی میں ریاست مہاراشٹر میں ناسک سے ممبئی آ رہے تھے کہ ہندوانتہاپسند تنظیموں کے غنڈے انہیں اغوا کر کے لے گئے اور انسانیت سوز تشدد کا نشانہ بنایا۔ ہجوم نے دونوں مسلمان نوجوانوں کو گائے کا گوشت لےجانے کا الزام لگا کر لوہے کی راڈ اور ڈنڈوں سے بری طرح مارا۔ہندو انتہاپسندوں کے بہیمانہ تشدد سے ایک نوجوان عفان موقع پر جاں بحق ہوگیا جبکہ دوسرا نوجوان ناصر شیخ شدید زخمی ہوا جسے اسپتال منتقل کردیا گیا۔ اسپتال ذرائع کا کہنا ہے کہ ناصر کی حالت تشویشناک ہے۔ پولیس نے تشدد اور قتل میں ملوث کسی شخص کو گرفتار نہیں کیا۔