ہانگ کانگ سپر سیکسز کے پہلے سیمی فائنل میں پاکستان نے آسٹریلیا کو 5 وکٹوں سے شکست دے کر فائنل میں جگہ بنالی۔
مونگ کوک میں کھیلے جارہے ہانگ کانگ سپر سکسز کے پہلے سیمی فائنل میں پاکستان نے ٹاس جیت کر پہلے فیڈنگ کرنے کا فیصلہ کیا۔
پاکستان کی دعوت پر آسٹریلیا نےگرین شرٹس کے خلاف پہلے بیٹنگ کرتے ہوئے مقررہ 6 اوورز میں 107 رنز بنائے۔
آسٹریلیا کی جانب سے ڈینبیل کرسچن نے 8 گیندوں پر 42 رنز کی اننگز کھیلی جبکہ جیک ووڈ 36 رنز بناکر آؤٹ ہوئے۔
پاکستان کی جانب سے واحد وکٹ کپتان فہیم اشرف نے حاصل کی۔
ہدف کے تعاقب میں پاکستان کا آغاز جارحانہ رہا، آصف علی نے 8 گیندوں پر 32 اور محمد اخلاق نے 10 گیندوں پر 32 رنز بنائے جبکہ کپتان فہیم اشرف 19 اور عامر یامین 24 رنز بناکر نمایاں رہے۔
آسٹریلیا کی جانب سے اینڈریو فیکیٹ اور فواد خان نے ایک ایک وکٹ حاصل کی۔
قبل ازیں بالنگ کے دوران آصف علی نے اینے ایک اوور میں 37 رنز لٹائے تھے، جس میں 6 چھکے اور ایک وائیڈ بال شامل تھی۔