امریکا اور چین کا تنازعے کے خاتمے اور تعلقات کو مستحکم کرنے پر اتفاق

واشنگٹن(شوریٰ نیوز)امریکا اور چین کا تنازعے کے خاتمے اور تعلقات کو مستحکم کرنے پر اتفاق، امریکا اور چین کے درمیان تعلقات 2018 سے مسلسل کشیدہ چلے آہے ہیں ،امریکی وزیر خارجہ انٹونی بلنکن نے صدر شی جنپنگ سے ملاقات کی جس کے دوران دونوں ممالک کے درمیان تناؤ کے خاتمے کے لیے تعلقات کی بحالی اور استحکام پر اتفاق کیا گیا۔ امریکی وزیر خارجہ انٹونی بلنکن گزشتہ روز دو روزہ سرکاری دورے پر بیجنگ پہنچے تھے اور آج چینی صدر شی جنپنگ سے اہم ملاقات کی۔ یہ چینی صدر سے کسی بھی امریکی اعلیٰ عہدیدار سے 2018 کے بعد پہلی براہ راست ملاقات ہے۔ملاقات کے دوران چین اور امریکا نے اس بات پر زور دیا گیا کہ تنازعات میں پڑنے کے بجائے دونوں ممالک تعلقات میں استحکام لانے کے لیے مل کر کام کریں۔اس موقع پر چینی صدر شی جنپنگ نے کہا کہ کچھ معاملات میں پیش رفت بھی ہوئی ہے اور کچھ پر معاہدے پر بھی پہنچ گئے ہیں۔ یہ بہت اچھا ہے۔امریکی وزیرخارجہ 2 روزہ دورے پر چین پہنچ گئےجواب میں امریکی وزیر خارجہ انٹونی بلنکن نے کہا کہ دونوں ممالک اپنے تعلقات کو مستحکم کرنے کے لیے اپنی اپنی ذمہ داریوں کا اداراک رکھتے ہیں۔ امریکا بھی ایسا کرنے کے لیے پُرعزم ہے۔امریکی وزیر خارجہ انٹونی بلنکن کے دورۂ چین کے دوران کوئی بڑی پیشرفت تو نہیں ہوئی لیکن توقع ہے کہ آنے والے ہفتوں میں مزید سینئر امریکی حکام چین کا دورہ کریں گے۔