اوپن مارکیٹ میں ڈالر 296 روپے کا ہو گیا

کراچی(شوریٰ نیوز) اوپن مارکیٹ میں ڈالر 296 روپے کا ہو گیا،پاکستان اسٹاک ایکسچینج میں کاروبار کا مثبت رجحان منفی ہوگیا،آج کاروباری ہفتے کے پہلے دن کے آغاز میں ہی انٹر بینک میں ڈالر صرف 1 پیسے مہنگا ہوا ہے جبکہ اوپن مارکیٹ میں 1 روپے سستا ہو گیا۔انٹر بینک میں ڈالر 1 پیسے مہنگا ہونے کے بعد 287 روپے 20 پیسے کا ہو گیا۔گزشتہ کاروباری ہفتے کے اختتام پر انٹر بینک میں ڈالر 287 روپے 19 پیسے پر بند ہوا تھا۔ادھر اوپن مارکیٹ میں ڈالر 1 روپے سستا ہو کر 296 روپے کا ہو گیا۔گزشتہ کاروباری ہفتے کے اختتام پر اوپن مارکیٹ میں ڈالر 297 روپے پر بند ہوا تھا۔ڈالر انٹر بینک میں سستا، اوپن مارکیٹ میں مہنگاپاکستان اسٹاک ایکسچینج میں آج صبح کاروبار کا مثبت رجحان تھا جو بعد میں منفی میں تبدیل ہو گیا۔پاکستان اسٹاک ایکسچینج کا 100 انڈیکس 163 پوائنٹس کی کمی سے 41 ہزار 137 پر آ گیا۔گزشتہ کاروباری ہفتے کے اختتام پر 100 انڈیکس 41 ہزار 301 پوائنٹس پر بند ہوا تھا۔