کراچی(شوریٰ نیوز)کراچی، میئر و ڈپٹی میئر آج عہدہ کا حلف اُٹھائیں گے،چیئرمین پیپلزپارٹی بلاول بھٹو زرداری ،وزیراعلی سندھ مراد علی شاہ اورمختلف ممالک کے سفارت کار شریک ہوں گے تفصیلات کے مطابقنومنتخب میئرکراچی اورڈپٹی میئر آج عہدے کا حلف اٹھائیں گے۔ تقریب حلف برداری میں حافظ نعیم الرحمن کو بھی مدعو کیا گیا ہے۔نومنتخب میئرکراچی مرتضی وہاب اور ڈپٹی میئر سلمان مراد کی تقریب حلف برداری گلشن جناح پولو گراونڈ میں منعقد ہوگی۔ تقریب کا باقاعدہ آغاز شام پانچ بجے کیا جائے گا۔الیکشن کمشنر سندھ اعجاز انورچوہان میئراور ڈپٹی میئر کراچی سےحلف لیں گے۔ تقریب میں چیئرمین پیپلزپارٹی بلاول بھٹو زرداری ،وزیراعلی سندھ مراد علی شاہ، سندھ کابینہ کے اراکین، مختلف ممالک کے سفارت کار شریک ہوں گے،مرتضی وہاب اور سلمان مراد پندرہ جون کو میئر اور ڈپٹی میئر منتخب ہوئے تھے۔