بانی سنگاپور کے سب سے چھوٹے بیٹے لی ہسین یانگ نے برطانیہ میں سیاسی پناہ کا دعویٰ کر دیا۔
بین الاقوامی میڈیا رپورٹس کے مطابق بانی کے سب سے چھوٹے بیٹے نے اعلان کیا ہے کہ وہ اب برطانیہ میں ایک سیاسی پناہ گزین ہیں جو کہ ریاست کے سب سے ممتاز خاندان کے درمیان ہائی پروفائل جھگڑے میں تازہ ترین پیش رفت کی نشاندہی کرتا ہے۔
لی ہسین یانگ نے منگل کے روز کہا کہ برطانیہ کی حکومت نے انہیں سیاسی پناہ دی ہے جسے انہوں نے گھر میں "ظلم” کی وجہ قرار دیا۔
ایک فیس بک پوسٹ میں لی ہسین یانگ نے کہا کہ انہوں نے 2022 میں "آخری حربے کے طور پر” سیاسی پناہ کی درخواست کی تھی جو کہ برطانیہ نے انہیں اگست میں دی۔
ان کا کہنا تھا کہ سنگاپور حکومت کے میرے خلاف حملے عوامی ریکارڈ میں ہیں انہوں نے میرے بیٹے کے خلاف مقدمہ چلایا، میری بیوی کے خلاف تادیبی کارروائی کی اور پولیس کی جعلی تحقیقات کا آغاز کیا جو برسوں سے جاری ہے۔
انہوں نے لکھا کہ اس کے نتیجے میں وہ اپنی بہن کی آخری رسومات کے لیے گھر واپس نہیں جا سکے تھے۔