فلسطینی بچی کی ننگے پاؤں زخمی بہن کو کندھے پر اُٹھائے علاج کے لیے لے جانےکی ویڈیو نے دل دہلادیے۔
غزہ کی بچی کی ننگے پاؤں اپنی زخمی بہن کو کندھے پر اُٹھا ئے علاج کے لیے لے جانےکی ویڈیو وائرل ہو رہی ہے۔
صحافی کے سوال پر بچی نے بتایا کہ بہن کو گاڑی نے ٹکر ماری تھی جس سے وہ زخمی ہوئی۔
بچی کا کہنا تھا کہ میں اپنی بہن کا علاج کروانا چاہتی ہوں، تھک گئی ہوں، میں اس کو ایک گھنٹے سے اُٹھائے ہوئے ہوں اب میں مزید نہیں اُٹھاسکتی، میں اس کو لے کر بریج کیمپ جاؤں گی۔
تھکن سے چور بچی کو صحافی نے البریج پارک میں واقع کیمپ پہنچایا۔