فرانس، پری اسکول کے بچوں پر چاقو بردار شخص کا حملہ,5 زخمی

پیرس (شوریٰ نیوز)فرانس، پری اسکول کے بچوں پر چاقو بردار شخص کا حملہ,5 زخمی،بچوں کو بچانے والے شدید زخمی بالغ شخص کی حالت نازک ہے ، فرانس میں ایک جھیل کنارے کھیلنے والے پری اسکول کے بچوں پر چاقو بردار شخص نے حملہ کردیا جس کے نتیجے میں 4 بچے اور ایک بالغ شخص شدید زخمی ہوگیا۔ یہ واقعہ فرانسی شہر الپس میں پیش آیا جہاں پری اسکول کے بچوں کا ایک گروپ موسم گرما کی تعطیلات منانے ایک جھیل پر آیا تھا۔بچوں کی عمریں تین سال کے درمیان ہیں جنھیں گہرے زخم آئے ہیں تاہم ان کی حالت خطرے سے باہر ہے جب کہ بچوں کو بچانے کی کوشش میں زخمی ہونے والا بالغ شخص موت و زیست کی کشمکش میں زیر علاج ہے۔پولیس نے سی سی ٹی وی فوٹیجز کی مدد سے ملزم کو گرفتار کرلیا تاہم اس کی شناخت ظاہر نہیں کی گئی ہے۔