تکبر ضداورانا کابُت زمین بوس ہوگیا،مریم اورنگزیب

اسلام آباد(شوریٰ نیوز) تکبر ضداورانا کابُت زمین بوس ہوگیا، پارٹی بنانے والوں کے چلے جانے سے اب بت ہی باقی رہ گیاوزیراطلاعات مریم اورنگزیب نے تحریک انصاف کے چیئرمین اورسابق وزیراعظم عمران خان پر تنقید کرتے ہوئے کہا ہے کہ تکبر ضد انا اورذاتی مفادات کے بُت کا ہاؤس آف کارڈز زمین بوس ہوگیا ، پی ٹی آئی سے روح نکل گئی۔سماجی رابطوں کی ویب سائٹ ٹویٹر پر ایک پیغام میں مریم اورنگزیب نے کہا کہ پارٹی بنانے والوں کے چلے جانے سے اب بت ہی باقی رہ گیا ۔انہوںنے کہا کہ مغرور نے کہا تھا کسی کے آنے اور جانے سے فرق نہیں پڑتا ، یہ کہنے والا آج عبرت کی زندہ مثال بن چکا ہے ۔مریم اورنگزیب اپنے ٹویٹ میں یہ شعر بھی لکھا کہ:۔ دل کے پھپھولے جل اٹھے سینے کے داغ سے اس گھر کو آگ لگ گئی گھر کے چراغ سے