تہران اور بیروت حملوں کے بعد صیہونی وزیراعظم نیتن یاہو کا کہنا ہے کہ اسرائیل نے ایران کی پراکسیز کو منہ توڑ ردعمل دیا ہے، صیہونی حکومت اپنے خلاف کسی بھی جارحیت کا بھرپور طاقت سے جواب دے گا۔
صیہونی وزیراعظم کا کہنا تھا کہ ہم برائی کے محور ایران کے خلاف حالت جنگ میں ہیں، کل ہم نے نصراللہ کے نائب کو ختم کردیا جو مجدالشمس میں قاتلانہ حملے کا ذمہ دار تھا۔
صیہونی وزیراعظم کا کہنا تھا کہ صیہونی حکومت کسی بھی جگہ سے اسرائیل کے خلاف جارحیت کرنے والوں کو بھاری قیمت چکانے پر مجبور کرے گا، صیہونی حکومت ہر طرح کی صورتحال کیلئے تیار ہے۔
صیہونی وزیراعظم نے کہا کہ صیہونی حکومت کے شہریوں کو مشکل دنوں کا سامنا ہوگا، بیروت حملے کے بعد صیہونی حکومت کو تمام اطراف سے خطرات کا سامنا ہے، ہم کسی بھی خطرے کے سامنے متحد رہیں گے۔