خیبرپختونخوا میں سیاحت میں اضافہ ہوگیا اور رواں سال صوبے میں آنے والے سیاحوں کی تعداد 90 لاکھ تک پہنچ گئی،محکمہ سیاحت کا اجلاس ہوا جس میں مشیرخزانہ مزمل اسلم، مشیرسیاحت اورمتعلقہ حکام نے شرکت کی۔
مشیرسیاحت زاہد چن زیب نے بتایاکہ رواں سال 90 لاکھ سیاحوں نے خیبرپختونخوا کا رخ کیا اور سیاحوں کی آمد پچھلےسال کے مقابلے میں100 فیصد زیادہ ہے، پچھلے سال 45 لاکھ سیاحوں نے خیبرپختونخوا کا رخ کیا تھا۔
سیاحوں میں ڈھائی ہزارغیرملکی بھی شامل ہیں، ہمارا اگلا ہدف غیرملکی سیاحوں کی تعداد میں اضافہ ہے، چند شکایات این ایچ اے کی سڑکوں کے بارے میں موصول ہوئیں۔