وزیراطلاعات پنجاب عظمیٰ بخاری نے کہا ہےکہ اس حکومت کی حیثیت اپوزیشن جیسی ہے کیونکہ ہمارے ہر اقدام کو بے اثر کردیا جاتا ہے،ایک بندے کو دھڑا دھڑ انصاف دینے کے لیے مسیحا موجود ہیں لیکن حکومت جو بھی کارروائی کرے ۔
اس پر 5 منٹ میں ریلیف دیا جاتا ہے، ہماری درخواستیں عدالتی تعطیلات کے باعث مؤخر کردی جاتی ہیں، کیا یہ گرمی کی چھٹیاں صرف مسلم لیگ (ن) کے لیے ہیں، نظر یہ آ رہا ہے کہ انصاف بس ایک جماعت کے لیے ہے۔
میں عدالت سے پوچھنے آئی ہوں کہ ہمیں انصاف کب ملے گا؟ صرف ایک جماعت کی عورتیں قوم کی بیٹیاں ہیں یا ہم بھی ہیں، کیا مریم نواز ، مریم اورنگزیب قوم کی بیٹیاں نہیں؟ گھٹیا اور واہیات پروپیگنڈے کے باوجود میری لیڈر مریم نواز عوامی خدمت کےلیے کھڑی ہیں۔
ہائیکورٹ میں2 منٹ میں پٹیشن دائر ہوتی ہے، 15منٹ میں نمبر لگ جاتا ہے، میں یہی دیکھنے آئی ہوں کیا مجھے بھی اسی طرح انصاف ملتا ہے یا نہیں، جو بانی پی ٹی آئی کے ساتھ کھڑے ہیں صرف وہ محفوظ ہیں دوسرا کوئی نہیں۔