راجہ خرم نواز نے پی ٹی آئی سے راہیں جدا کرلیں

اسلام آباد(شوریٰ نیوز)راجہ خرم نواز نے پی ٹی آئی سے راہیں جدا کرلیں، ہم نے جب بھی کوئی احتجاج کیا پُرامن طریقے سےکیا، یہی جمہوریت کا حسن ہے ان خیالات کا اظہار پاکستان تحریک انصاف ( پی ٹی آئی ) کے رہنما سابق رکن قومی اسمبلی راجہ خرم نواز نے ساتھیوں سمیت پارٹی سے علیحدگی کا اعلان کرتے ہوئے کیا۔اسلام آبادمیں پریس کانفرنس کرتے ہوئے سابق رکن قومی اسمبلی راجہ خرم نواز نے کہا کہ حلقے کے لوگوں کے ساتھ مشاورت کی اور سیاست سے دستبردار ہونے کافیصلہ کیا، حلقے کے لوگوں سے مشاورت کرکے مستقبل کا لائحہ عمل طے کریں گے۔انہوں نے کہا کہ 9 مئی کے واقعات میں ملوث افراد کے خلاف کارروائی ہونا چاہیے، جو بےقصور گرفتار ہیں ان کی رہائی ہونا چاہیے۔راجہ خرم نواز کا کہنا تھا کہ ہم نے جب بھی کوئی احتجاج کیا پُرامن طریقے سےکیا، یہی جمہوریت کا حسن ہے۔