پاکستان سپورٹس بورڈ ، ریفریشر کوچنگ کورس کاآغاز پیر سے ہوگا

اسلام آباد (شوریٰ نیوز)پاکستان سپورٹس بورڈ ، ریفریشر کوچنگ کورس کاآغاز پیر سے ہوگا،کورس کے شرکا کو مقررین مختلف کھیلوں کے مختلف امور پر لیکچرز دیں گے، پاکستان سپورٹس بورڈ کے زیر اہتمام تین روزہ کوچنگ کورس پیر، 29 مئی سے فیصل آباد میں شروع گا۔
پاکستان سپورٹس بورڈ کے ڈپٹی ڈائریکٹر جنرل شاہد اسلام نے بتایا کہ کورس وفاقی وزیر بین الصوبائی رابطہ احسان الرحمان مزاری اور پاکستان سپورٹس بورڈ کے ڈائریکٹر جنرل شعیب کھوسہ کی خصوصی ہدایات پر منعقد کیا جا رہا ہے۔ اس سے قبل اسلام آباد اور لاہور میں بھی کورسز منعقد ہو چکے ہیں اور پاکستان سپورٹس بورڈ آئندہ ماہ جون میں کراچی، پشاور، کوئٹہ اور آزاد جموں و کشمیر میں بھی کورسز منعقد کروانے کی منصوبہ بندی کر رہا ہے جس میں مختلف کھیلوں سے تعلق رکھنےوالے مرد اور خواتین کوچز، کھلاڑی اور ٹیکنکل آفیشلز (ججز، ریفری اور امپائرز) حصہ لیں گے۔کورس کے شرکا کو مقررین مختلف کھیلوں کے مختلف امور پر لیکچرز دیں گے۔ جن میں کوچنگ اور ٹریننگ کے نظریات،غذایت، ڈوپنگ، کھیلوں کی نفسیات، کھیلوں کے دوران زخم، چوٹیں اور ابتدائی طبی امداد اور ہنر کی تعلیم پر روشنی ڈالیں گے۔ یہ کورس تین روز تک جاری رہے گا۔