چیئرمین پاکستان تحریک انصاف (پی ٹی آئی) بیرسٹر گوہر نے کہا ہے کہ حقیقت یہ ہےکہ حکومت انتخابات کے معاملے پر تحقیقات نہیں کرنا چاہتی، امریکی ایوان نمائندگان کی قرارداد کو امریکی حکومت کی مداخلت نہیں کہا جاسکتا۔
انہوں نے کہا کہ جمہوریت میں اپوزیشن کا سب سے اہم کردار ہوتا ہے، اس حکومت میں برداشت نہیں، ان کو نہیں معلوم کہ اپوزیشن کیا ہوتی ہے، اپوزیشن لیڈرپنجاب سےان کی گاڑی، دفتر اور اسٹاف لے لیا گیا۔
ہمیں بولنے نہیں دیا جاتا، ہم اس کی مذمت کرتے ہیں، خواجہ آصف کے بیان سے ملک کو نقصان پہنچا، خواجہ آصف نے اسمبلی کو اعتماد میں لیے بغیریہ بیان دیا، وہ اپنے بیان کا دفاع نہیں کرسکے۔
خواجہ آصف کے بیان کی مذمت کرتے ہیں، خواجہ آصف کے بیان سے دنیا کے سامنےپاکستان کا منفی چہرہ گیا۔
جو قرارداد یہ لے کر آئے اس کے متعلق ہمیں اعتماد میں نہیں لیا گیا، امریکی قرارداد کو انہوں نے نہیں پڑھا، قرارداد میں انسانی حقوق کی فراہمی یقینی بنانے اورصاف شفاف انتخابات کی بات کی گئی ہے۔