صیہونی فوج کے چھاتہ بردار بریگیڈ کے متعدد ریزرو فوجیوں نے جنوبی غزہ کے علاقے رفح میں آپریشن کی تیاری کے لیے فوجی احکامات ماننے سے انکار کر دیا ہے۔
موصولہ خبروں کے مطابق متعدد ریزرو فوجیوں نے رفح میں فوجی آپریشن کی تیاری کے لئے فوجی احکامات ماننے سے انکار کردیا ہے اور اپنے کمانڈروں کو با خبر کردیا ہے کہ ان میں اب لڑنے کی سکت نہیں ہے-
صیہونی میڈیا کے مطابق آرمی کے چیف آف اسٹاف ہرزی ہالیوی اور صیہونی سیکورٹی ایجنسی شاباک کے سربراہ رونن بار نے قاہرہ میں مصری انٹیلی جنس کے سربراہ "عباس کامل” سے ملاقات میں، رفح میں زمینی فوجی آپریشن کے لیے صیہونی فوج کی تیاریوں کے بارے میں گفتگو کی ہے۔
گذشتہ چند دنوں سے صیہونی حکومت کی فوج، غزہ کے جنوب میں واقع شہر رفح پر زمینی حملے کے لیے تیار ہے۔
غزہ جنگ کے تقریباً سات مہینے گزرنے کے بعد صیہونی حکومت نسل کش حکومت کے فضائی حملوں اور بمباری میں ایک بار پھر تیزی آئی ہے اور حالیہ دنوں میں صیہونی حکومت کے جنگی طیاروں کے ذریعے متعدد بار رفح کے رہائشی علاقوں کو نشانہ بنایا گیا ہے۔
ادھر مصر نے دھمکی دی ہے کہ اگر صیہونی حکومت نے رفح پر زمینی حملہ کیا تو وہ کیمپ ڈیوڈ معاہدے سے نکل جائے گا۔