القادر ٹرسٹ کیس ,نیب ٹیم بشریٰ بی بی کونوٹس وصول نہ کروا سکی

لاہور(شوریٰ نیوز)القادر ٹرسٹ کیس کے سلسلے میںنیب ٹیم بشریٰ بی بی کونوٹس وصول نہ کروا سکی ،بشریٰ بی بی کو کل اسلام آباد کی احتساب عدالت نے طلب کیا ہے، نیب کی تین رکنی ٹیم القادر ٹرسٹ کیس میں جاری نوٹس بشریٰ بی بی کو دینے کے لیے زمان پارک پہنچی تھی۔نیب کی ٹیم دو گھنٹے زمان پارک میں عمران خان کے گھر میں موجود رہی جسے بتایا گیا کہ پی ٹی آئی کی لیگل ٹیم یہ نوٹس وصول کرے گی۔ نیب ٹیم مسلسل انتظار کرنے کے بعد پی ٹی آئی کی لیگل ٹیم سے نہ مل سکی اور نوٹس موصول کرائے بغیر واپس چلی گئی۔ نیب کی ٹیم نوٹس موصول کرانے دوبارہ زمان پارک آئے گی،تفصیلات کے مطابق نیب کی ٹیم القادر ٹرسٹ کیس میں بشریٰ بی بی کونوٹس دینے زمان پارک گئی تھی لیکن پی ٹی آئی کی لیگل ٹیم موجود نہ تھی بشریٰ بی بی کو کل اسلام آباد کی احتساب عدالت نے طلب کیا ہے۔القادر ٹرسٹ کیس، بشری بی بی کی حفاظتی ضمانت 23 مئی تک منظورپی ٹی آئی ذرائع کے مطابق ہماری لیگل ٹیم نیب کی ٹیم سے نوٹس وصول کرے گی۔ لاہور ہائی کورٹ نے القادر ٹرسٹ کیس میں سابق وزیرِ اعظم عمران خان کی اہلیہ بشریٰ بی بی کی حفاظتی ضمانت 23 مئی تک منظور کی تھی۔بشریٰ بی بی نے القادر ٹرسٹ کرپشن کیس میں حفاظتی ضمانت کی درخواست دی تھی۔لاہور ہائی کورٹ کے جسٹس شہباز رضوی نے بشریٰ بی بی کی حفاظتی ضمانت کی درخواست پر سماعت کی تھی۔بشریٰ بی بی نے عدالت کے روبرو پیش ہو کر حفاظتی ضمانت حاصل کی تھی۔