ترجمان دفتر خارجہ نے کہا ہے کہ رپورٹ کے مندرجات غیر منصفانہ ، غلط معلومات پر مبنی اور زمینی حقائق سے بالکل ہٹ کر ہیں ۔ ان رپورٹس کو مرتب کرنے کے طریقہ کار میں بھی خامیاں ہیں۔
ترجمان دفتر خارجہ کا کہنا ہے کہ رپورٹ میں غزہ اور مقبوضہ کشمیر میں انسانی حقوق کی سنگین خلاف ورزیاں نظر انداز کرنا انتہائی تشویش ناک ہے، ایسی رپورٹس کو حتمی شکل دینے میں معروضیت، غیر جانب داری اور ذمہ داری کا مظاہرہ کرنے کی ضرورت ہے۔
دفتر خارجہ کے مطابق پاکستان انسانی حقوق فریم ورک مضبوط بنانے،بین الاقوامی انسانی حقوق کے ایجنڈے کو فروغ دینے کے لیے ثابت قدم ہے، امریکی محکمہ خارجہ سے توقع کرتے ہیں کہ وہ پیچیدہ مسائل کاجائزہ لیتے وقت کم ازکم مستعدی سےکام لے۔