وزیراعلیٰ خیبرپختونخوا علی امین گنڈا پور نے کہا ہے کہ بانی پی ٹی آئی عمران خان نے کوئی غیرقانونی کام نہیں کیا ، نہ وہ ملک کو نقصان پہنچانا چاہتے ہیں، انہیں مزید قید میں رکھنا اب کسی کے بس میں نہیں۔
انہوں نےپی ٹی آئی کے یوم تاسیس پر تقریب سے خطاب کرتے ہوئے کہا کہ انتخابات میں بدترین دھاندلی ہوئی، مینڈیٹ چوری کرنے والوں کو مسلط کر دیا گیا لیکن ذاتی مفاد میں پڑنےوالے کامیاب نہیں ہوں گے۔
کوئی طاقت ہمیں بانی پی ٹی آئی سے دور نہیں کر سکتی ، 8 فروری کے بعد 21 اپریل کو دوبارہ حرکت کی گئی ہے، سب سن لو مائنس بانی پی ٹی آئی کوئی نہیں کرسکتا، آنے والے دنوں میں اگر حق نہ ملا تو پھر خیبرپختونخوا نکلے گا اور اگر خیبرپختونخوا نکلے گا تو وہ بانی پی ٹی آئی کو رہا کروا کر ہی جائے گا۔