دبئی اور شارجہ کی شدید بارشوں میں سڑکوں پر پھنسے اماراتی شہریوں کی مدد کرنے میں پاکستانی نوجوان سب سے آگے رہے۔
عوامی خدمت کی بہترین مثال قائم کرتے پاکستانی نوجوانوں کی سوشل میڈیا پر ویڈیوز وائرل ہوگئیں،نوجوانوں نے لوگوں کو پانی اور کھانا بھی فراہم کیا، پاکستانی نوجوانوں کے مدد کے جذبے کو خوب سراہا جارہا ہے۔
پاکستانی نوجوانوں نے سڑکوں پر پھنسے 200 سے زائد اماراتی شہریوں کوگھر پہنچایا اور 80 سے زائد گاڑیوں کو ریسکیو کیا۔