صیہونی میڈیا کے مطابق غزہ میں انسانی المیے پرصیہونی فوجی افسران اور سیاسی رہنماؤں کے وارنٹ گرفتاری بھی جاری ہوسکتے ہیں۔ اس معاملے پر صیہونی وزیر اعظم کے دفتر میں قانونی ماہرین اور وزرا کا ہنگامی اجلاس بھی ہوا۔
صیہونی قیادت پر غزہ میں بین الاقوامی قانون کی خلاف ورزیوں کا الزام ہے، حکومت کو خدشہ ہےکہ غزہ میں جاری انسانی المیےکو بنیاد بنا کر صیہونی وزیر اعظم اور دیگر حکام کے وارنٹ جاری کیے جاسکتے ہیں۔
وزیر اعظم نےگزشتہ دنوں برطانوی اور جرمن وزیر خارجہ کے ساتھ ملاقات میں بھی وارنٹ کے حوالے سے اپنے خدشات کا اظہار کیا تھا،خیال رہے کہ جنوری میں میکسیکو اور چلی نے عالمی فوجداری عدالت میں صیہونیوں کے جنگی جرائم کے خلاف مشترکہ درخواست دائر کی تھی۔
میکسیکو اور چلی کی درخواست میں فلسطینیوں کے خلاف صیہونی جنگی جرائم کی تفتیش کا مطالبہ کیا گیا تھا،اس سے قبل جنوبی افریقا نے عالمی عدالت انصاف میں صیہونیوں کی فلسطینیوں کی نسل کشی کے خلاف درخواست دائر کی تھی۔