پاک نیوزی لینڈآخری ٹی 20میچ آج کھیلا جائیگا

اسلام آباد(شوریٰ نیوز)پاک نیوزی لینڈآخری ٹی 20میچ آج کھیلا جائیگا، پہلے دو میچز پاکستان،ایک نیوزی لینڈ جیتا ، ایک میچ بارش کی نظرہوگیاتفصیلات کے مطابق پاکستان اور نیوزی لینڈ کے درمیان سیریز کا پانچواں اور آخری ٹی20 میچ آج کھیلا جائے گا۔قومی ٹیم کو سیریز میں 1-2 کی برتری حاصل ہے جبکہ دونوں ٹیموں کے درمیان سیریز کا ایک میچ بارش کی نظر ہوگیا تھا۔پاکستان نے پہلے دو میچز میں نیوزی لینڈ کو شکست دی تھی جبکہ تیسرے میچ میں کیویز نے کم بیک کرتے ہوئے گرین شرٹس کو سنسنی خیز مقابلے کے بعد 4 رنز سے شکست دی تھی۔واضح رہے کہ پاکستان کرکٹ بورڈ (پی سی بی) نے کرکٹرز کو اہلخانہ کے ہمراہ عید گزارنے کا موقع فراہم کیا تھا۔