وزیراعلیٰ پنجاب مریم نواز نے اپنی جماعت مسلم لیگ (ن) سے تعلق رکھنے والے 2 ارکان پنجاب اسمبلی کو شوکاز نوٹس جاری کردیئے۔
وزیراعلیٰ مریم نواز کی جانب سے لاہورکےحلقہ پی پی 152 سے ن لیگ کے ایم پی اے ملک وحید کوشوکازنوٹس جاری کیا گیا۔
ایم پی اے ملک وحید کو پولیس اہلکار سے بدتمیزی کرنے پر شوکاز نوٹس جاری کیاگیا۔
مخصوص نشست پرن لیگ کی رکن پنجاب اسمبلی عظمٰی کاردار کو بھی شوکاز نوٹس جاری کیا گیا۔ عظمیٰ کاردار کو تھانا ماڈل ٹاؤن میں ایف آئی آر کی تفتیش پر اثر انداز ہونے پر شوکاز دیا گیا۔
دوسری جانب وزارت اطلاعات پنجاب عظمٰی بخاری نے نجی نیوز چینل سے گفتگو کرتے ہوئےکہا کہ ان واقعات پر کابینہ اجلاس میں وزیر اعلیٰ مریم نواز نے خفگی کا ا ظہار کیا اور واضح کیا کہ کالے شیشوں پر پولیس افسر نے روک کر اچھا کام کیا۔