احتساب عدالت کے جج ناصر جاوید رانا نے اڈیالہ جیل میں 190 ملین پاؤنڈ ریفرنس کی سماعت کی،بانی پی ٹی آئی اور بشری بی بی عدالت میں پیش ہوئے۔
سماعت کے دوران استغاثہ کے مزید 3 گواہوں کے بیانات قلمبند ہوئے، بانی پی ٹی آئی کی طرف سے بیرسٹر علی ظفر، ایڈووکیٹ چوہدری ظہیر عباس پیش ہوئے جبکہ بشریٰ بی بی کے وکیل سلمان صفدر اور عثمان ریاض گل پیش ہوئے۔
عدالت نے 190 ملین پاؤنڈ ریفرنس پر سماعت 16 مارچ تک ملتوی کردی، آئندہ سماعت پر مزید گواہوں کے بیانات قلمبند ہوں گے۔
190 ملین پاؤنڈ اسکینڈل کیس: نیب کے 3 گواہان کے بیانات قلمبندکرلیےگئے، 190 ملین پاؤنڈ اسکینڈل: پی ٹی آئی دور کی وفاقی وزیر زبیدہ جلال بھی وعدہ معاف گواہ بن گئیں۔