پی ٹی آئی رہنما عمر ایوب نے میڈیا سے گفتگو کرتے ہوئےکہا کہ جیل سپرنٹنڈنٹ نے کورٹ آرڈرز کو رد کردیا،اپوزیشن لیڈر کو اپنے کلانٹ سے ملنے سے روکا جا رہا ہے۔
اسد قیصر نے کہا کہ گرینڈ الائنس بنانے جارہے ہیں، تمام پارٹیوں کے ساتھ جماعت اسلامی سے بھی بات کریں گے،ہمیں بانی پی ٹی آئی سے ملاقات کی اجازت نہیں دی گئی۔
پاکستان تحریک انصاف کے رہنما شعیب شاہین کا کہنا تھا کہ اگر بانی پی ٹی آئی عمران خان کو کچھ ہوا تو ذمہ داری موجودہ حکومت اور اسٹیبلشمنٹ پر عائد ہو گی۔
شعیب شاہین نے اس موقع پر کہا کہ ٹیمپرنگ کے بعد کچھ پولنگ اسٹیشن میں ووٹ کی شرح 99.99 فیصد کر دی گئی جو بظاہر ناممکن ہے، ہم اس حوالے سے جلد ایک وائٹ پیپر جاری کرنے والے ہیں۔