مقبوضہ فلسطین کے محصور علاقے غزہ میں صیہونی جارحیت کے خلاف خودسوزی کرنے والا امریکی فضائیہ کا 25 سالہ اہلکار ارون بشنل دم توڑ گیا۔
امریکی فوجی نے واشنگٹن ڈی سی میں واقع صیہونی سفارتخانے کے باہر غزہ پر صیہونی مظالم کے خلاف احتجاج کرتے ہوئے خودکو آگ لگالی تھی اور امریکی فوجی فلسطین آزاد کرو کے نعرے بھی لگاتا رہا تھا۔
25 سالہ اہلکار کو اسپتال لے جایا گیا تاہم وہ جانبر نہ ہوسکا۔
امریکی فضائیہ کے اہلکار کی شناخت 25 سالہ ارون بشنل کے نام سے جاری کی گئی ہے اور وہ آن ڈیوٹی تھا۔
واضح رہے کہ 7 اکتوبر سے جاری صیہونی حکومت کے وحشیانہ حملوں میں فلسطینی شہدا کی تعداد 30 ہزار تک پہنچ گئی ہے جبکہ اقوام متحدہ کے مطابق غزہ میں شہید ہونے والوں میں 90 فیصد خواتین اور بچے شامل ہیں۔