وفاقی سیکرٹری صحت افتخار علی شلوانی کے مطابق ملک بھر میں26 فروری سے 3 مارچ تک پولیو ورکرز گھر گھر جاکر بچوں کو پولیو سے بچاؤ کے قطرے پلائیں گے۔
خیبرپختونخوا کے 33 اضلاع میں 3 سے 9 مارچ تک بچوں کو قطرے پلائے جائیں گے،ساڑھے 4 کروڑ سے زائد بچوں کو پولیو سے بچانے کی قومی انسداد پولیو مہم کا آج سے آغاز ہو گا۔
پولیو خوفناک بیماری ہے جو بچوں کو تاعمرمعذور بنا دیتی ہے، بدقسمتی سے پولیو ہمارے بچوں کیلئے بدستور خطرہ ہے تاہم حکومت پاکستان پولیوکے خاتمے کیلئے پرعزم ہے۔
افتخار علی شلوانی نے کہا کہ والدین پربچوں کی صحت یقینی بنانے کیلئے بڑی ذمہ داری ہے۔