صیہونی حکومت نے مغربی کنارے میں مزید 3 ہزار گھر بنانے کا اعلان کردیا۔
غیرملکی میڈیا کے مطابق صیہونی حکومت نے مغربی کنارے میں یہودی آبادکاری کے نئے متنازع منصوبے کا اعلان کیا ہے تاہم آبادکاری سے متعلق متنازع صیہونی منصوبے پر امریکا نے مایوسی کا اظہار کیا ہے۔
دوسری جانب وسطی غزہ میں صیہونی بمباری سے مزید 40 سے زائد فلسطینی شہید اور 100 سے زائد زخمی ہوگئے۔
واضح رہےکہ 7 اکتوبر سے جاری صیہونی حکومت کے وحشیانہ حملوں میں فلسطینی شہدا کی تعداد 29 ہزار 550 تک جا پہنچی ہے۔
اقوام متحدہ کے مطابق غزہ میں شہید ہونے والوں میں 90 فیصد خواتین اور بچے شامل ہیں۔
عالمی ادارہ صحت کا کہنا ہے غزہ میں انسانی اور صحت کی صورتحال تباہ ہونے سے غزہ ڈیتھ زون بن گیا ہے۔