مسلم لیگ ن کی چیف آرگنائزر مریم نواز نے کہا ہےکہ سازشیں کرنے والے صدا نہیں رہتے ، نواز شریف نے جن کی 10 سال حکومت رہی،ان کے جھوٹ گنوائے ہیں، جس نے لوگوں کو چور چور کہا، آج وہ پاکستان کا سب سے بڑا چور ثابت ہوگیا۔
انہوں نےسوات میں جلسے سے خطاب کرتے ہوئے نام لیے بغیر بانی پی ٹی آئی کی اہلیہ بشریٰ بی بی پروار کرتے ہوئے کہا کہ انہیں بھی سہالہ ریسٹ ہاؤس منتقلی اور اڈیالہ جیل میں بی کلاس دینے کی پیش کش کی گئی،لیکن انہوں نے یہ سہولتیں لینے سے انکار کر دیا تھا اور والد کے ساتھ اڈیالہ جیل جانے کو ترجیح دی۔
لوگوں نے کہا کہ نواز شریف پھر نہیں آئے گا، وہ لوگ تاریخ کے کوڑے دان میں اور نواز شریف آپ کے درمیان موجود ہے، نواز شریف آپ کا دکھ دیکھتا ہے تو اپنا دکھ بھول جاتا ہے۔
نواز شریف کو تاحیات نا اہل کرنے والے آج دیکھتے تو ہوں گے،جن موکلوں اور جنوں پر حکمران بنے وہ موکل اور جن بھی انہیں چھوڑ کر بھاگ نکلے۔ 8 فروری کو ووٹ کی پرچی کو پرچی نہ سمجھنا،یہ آپ کے مستقبل کا فیصلہ ہے،نوازشریف کی بیٹی کسی کی گرفتاری پر خوشی نہیں مناتی۔