توشہ خانہ کیس میں عدالت کی جانب سے سزا سنائے جانے کے بعد بشریٰ بی بی گرفتاری دینے جیل پہنچ گئیں۔
احتساب عدالت نے بانی پی ٹی آئی عمران خان اور ان کی اہلیہ کو توشہ خانہ کیس میں 14،14 سال قید بامشقت کی سزا سنائی ہے جب کہ عدالت نےعمران خان کا 10 سال کے لیے نااہل بھی قرار دیا ہے۔
نجی نیوز چینل کے مطابق بشریٰ بی بی اس وقت ڈپٹی سپرنٹنڈنٹ جیل کے دفتر میں بیٹھی ہیں اور انہیں تاحال گرفتار نہیں کیا گیا ہے، بشریٰ بی بی کی گرفتاری کے لیے دیگر آپشنز زیر غور ہیں۔