پاکستان تحریک انصاف (پی ٹی آئی) پارلیمنٹیرینز کے سربراہ پرویز خٹک نے نوشہرہ میں انتخابی جلسے سے خطاب کرتے ہوئے کہا کہ بانی پی ٹی آئی عمران خان کا مشن غربت کا خاتمہ نہیں غریب کو غریب تر بنانا تھا۔
انہوں نے کہا کہ سابق حکومتوں نے قرضے لیکر ملک کا خانہ خراب کیا، بانی پی ٹی آئی کو غرور اور تکبر کی سزا ملی، سائفر کیس میں سزا ملنے کے وہ خود ذمہ دار ہیں۔
آفیشل سیکرٹ ایکٹ کی خصوصی عدالت نے آج سائفر کیس میں پاکستان تحریک انصاف (پی ٹی آئی) کے بانی عمران خان اور سابق وزیر خارجہ شاہ محمود قریشی کو 10،10 سال قید کی سزا سنائی ہے۔