ایچ بی ایل پی ایس ایل میں ابتدائی تینوں سیزنز کے ترانے علی ظفر نے گائے تھے، انھیں 2018 کے بعد دوبارہ پی ایس ایل کا ترانا گانے کا موقع بھی نہیں مل پایا ۔
پی سی بی نے رواں برس پی ایس ایل 9 کیلیے علی ظفر کی آواز میں تین اینتھم ریکارڈ کروائے، ان میں سے ایک منتخب بھی ہو گیا،البتہ بات جب پی ایس ایل فرنچائزز تک پہنچی تو ایک خاتون آفیشل نے اعتراض اٹھا دیا ۔
بورڈ نے علی ظفر کو پروجیکٹ سونپنے کا ارادہ تبدیل کر دیا تھا، ذکا اشرف نے ان کے ساتھ معاہدے پر دستخط نہیں کیے، البتہ اب چیئرمین مینجمنٹ کمیٹی کے جانے سے حالات تبدیل ہوتے نظر آ رہے ہیں۔
موجودہ آفیشلز کا خیال ہے کہ چونکہ علی ظفر کو موقع دینے میں کوئی حرج نہیں ہے، صورتحال آئندہ چند روز میں واضح ہو جائے گی۔